🧐 იცოდით, რომ საგადასახადო რეზიდენტობის სწორად მართვა თქვენი შემოსავლების “უმოწყალო” დაბეგვრის თავიდან აცილების მნიშვნელოვანი წინაპირობაა?

მაღალშემოსავლიანი პირები (HNWI - High Net Worth Individual) სად, რომელ და რამდენ გადასახადს გადაიხდიან დიდწილად საგადასახადო რეზიდენტობის იურისდიქციაზეა დამოკიდებული.

მაგალითად, თუ პირი უცხოეთში იღებს შემოსავლებს და იგი საქართველოს საგადასახადო რეზიდენტია, ბევრი უცხო ქვეყნის კანონმდებლობით მას გადასახადების ადმინისტრირება საქართველოში მოუწევს.

საქართველოში კი უცხოეთში მიღებული შემოსავლები გათავისუფლებულია დაბეგვრისაგან. 

ანუ, თქვენი შემოსავლები სრულად თქვენთან რჩება. 

იმ შემთხვევაშიც კი, თუ უცხო ქვეყნის ადგილობრივი კანონმდებლობა პირის მიერ მიღებულ უცხოური შემოსავლების დაბეგვრას უცხოეთში მოითხოვს, ასეთი დაბეგვრა თავიდან შეიძლება იქნას აცილებული საქართველოს და ამ უცხო ქვეყანას შორის მოქმედი ორმაგი დაბეგვრის კანონმდებლობის საფუძველზე იმ შემთხვევაში, 

თუ….

ეს პირი იქნება საქართველოს საგადასახადო რეზიდენტი.

სხვა სიტყვებით რომ ვთქვათ, გაქვთ უცხოეთში მიღებული შემოსავლები, რომლებიც “უმოწყალოდ” იბეგრება უცხოეთში, თქვენი მნიშვნელოვანი ქონების საფუძველზე გახდით საქართველოს საგადასახადო რეზიდენტი და … დაისვენეთ და ამავე დროს - მშვიდად იძინეთ, რადგან არგადახდა ცალკეული გამონაკლისების გარდა სრულიად კანონიერია. 

გახსენდებათ ცნობილი ფრანგი მსახიობის ისტორია, რომელიც საფრანგეთიდან სხვა ქვეყანაში გადაბარგდა გადასახადები რომ შეემცირებინა? 

მე მახსენდება ერთი ევროპელი წყვილი, რომელმაც მანქანა-ვაგონი იყიდა, ევროპიდან დაიწყო 2 წლიანი მოგზაურობა სხვადასხვა ქვეყანაში და … “ორი კურდღელი დაიჭირა” - ევროპული ქვეყანაც “დატოვა” გადასახადების გარეშე და შესანიშნავი მოგზაურობაც მოიწყო. 

რას ფიქრობთ?

ღირს კითხვის გაგრძელება საქართველოში საგადასახადო რეზიდენტობის მოპოვების გზებს რომ გავეცნოთ? 

თუ კი, წავედით.

ვინ აკმაყოფილებს HNWI რეზიდენტობის კრიტერიუმებს?

კანონმდებლობა რამდენიმე ალტერნატიულ გზას გვთავაზობს.

ძირითადი აქცენტი კეთდება თქვენს ქონებრივ და შემოსავლების პორტფელზე:

ქონებრივი ზღვარი: თქვენი საერთო აქტივები აღემატება 3 მილიონ ლარს, საიდანაც მინიმუმ 500,000 აშშ დოლარის ეკვივალენტი ქონება საქართველოშია განთავსებული.

შემოსავლების ისტორია: ბოლო 3 წლის განმავლობაში თქვენი წლიური შემოსავალი აჭარბებს 200,000 ლარს (საქართველოში 500,000 აშშ დოლარის აქტივის ფლობასთან ერთად).

ლოკალური შემოსავალი: თუ ფლობთ საქართველოში 500,000 აშშ დოლარის აქტივს და ამავდროულად ადგილობრივი წყაროდან იღებთ მინიმუმ 25,000 ლარის შემოსავალს.

როგორ ვეხმარებით ჩვენს კლიენტებს?

ჩვენ ვუზრუნველყოფთ სრულ მხარდაჭერას როგორც სტანდარტული 183-დღიანი წესით, ისე სპეციალური „მნიშვნელოვანი ქონებით უზრუნველყოფილი ფიზიკური პირის“ (HNWI) სტატუსის მოსაპოვებლად:

✅ ვაფასებთ თქვენი შემოსავლების სტრუქტურას და ვარჩევთ ოპტიმალურ საგადასახადო გზას. 

✅ ვამცირებთ ორმაგი დაბეგვრის რისკებს და უზრუნველყოფთ სრულ გამჭვირვალობას საგადასახადო ორგანოებთან.

✅ დოკუმენტაციის მომზადებიდან - სერტიფიკატის მიღებამდე, ჩვენ ვართ თქვენი მეგზური და წარმომადგენელი ყველა ეტაპზე, მათ შორის მათთვის, ვინც ფიზიკურად არ იმყოფება საქართველოში.

👇 გსურთ გაიგოთ, რომელი საგადასახადო სტატუსი შეესაბამება თქვენს პორტფელს?

დაგვიტოვეთ კომენტარი ან მოგვწერეთ პირად შეტყობინებებში ინდივიდუალური კონსულტაციის დასაჯავშნად.