რა არის ბუღალტერია და რისკებისგან გაზღვევს მისი სწორად წარმოება?

ბუღალტერია წარმოადგენს სისტემას, რომელიც კომპანიებს საშუალებას აძლევს ფინანსური ოპერაციები ზუსტად აღრიცხონ, გაანალიზონ და სათანადო ფორმით წარმოადგინონ.

ის იძლევა სრულ სურათს იმის შესახებ, თუ რა რესურსებით მუშაობს ბიზნესი, რა ვალდებულებები აქვს მას, რა მოგებას ან ხარჯს აგენერირებს და როგორი არის კომპანიის ზოგადი ფინანსური მდგომარეობა.

სწორედ ამიტომ ბუღალტერია ნებისმიერი კომპანიის მნიშვნელოვან საყრდენად ითვლება.

ბუღალტერიის მთავარი ფუნქციაა ფინანსური პროცესების სწორად აღრიცხვა, ფინანსური ანგარიშგებების მომზადება, გადასახადებთან დაკავშირებული საკანონმდებლო ვალდებულებების სწორად შესრულება და კომპანიაში არსებული რესურსების ეფექტური კონტროლი.

სწორი ბუღალტერია წინასწარ ვარაუდობს თუ რა პრობლემის წინაშე შეიძლება დადგეს კომპანია, რა მიმართულებით იზრდება ან მცირდება ხარჯი და რა გადაწყვეტილებები უნდა მიიღოს მენეჯმენტმა, რათა ბიზნესი სტაბილურად გაიზარდოს.

რა მნიშვნელობა აქვს ბუღალტერიას:

მცირე ბიზნესებისთვის

მცირე ბიზნესი ხშირად ლიმიტირებულ ბიუჯეტზე მუშაობს, შესაბამისად აქ თითოეული ლარი გადამწყვეტია.

ბუღალტერია ეხმარება მცირე ბიზნესებს:

• ზედმეტი ხარჯების თავიდან აცილებაში,

  
  

• ფულადი ნაკადების სწორ მართვაში,

  
  

• გაკოტრების რისკის შემცირებაში.

  
  

საშუალო ბიზნესებისთვის

საშუალო კომპანიები უკვე მეტ ოპერაციას ასრულებენ.

აქ მნიშვნელოვანია:

• მონაცემებზე დაფუძნებული ზრდის სტრატეგია,

  
  

• ინვესტორებისთვის ან ბანკებისთვის სანდო ანგარიშგებები,

  
  

• ხელფასების, კონტრაქტების და ვალდებულებების სწორად მართვა.

  
  

დიდი კომპანიებისთვის

დიდ ორგანიზაციებში ბუღალტერია არის:

• ფინანსური სტაბილურობის გარანტი,

  
  

• რისკების მართვის სისტემა,

  
  

• ინვესტორებთან, რეგულატორებთან და საერთაშორისო სტანდარტებთან შესაბამისობის საფუძველი.

  
  

რა რისკები ჩნდება სწორად მართული ბუღალტერიის გარეშე?

თუ ბიზნესს სწორად წარმოებული ბუღალტერია არ აქვს, იქმნება სერიოზული საფრთხეები:

• უკონტროლო ხარჯები - ფული იკარგება შეუმჩნევლად.

  
  

• არაკონკრეტული ფინანსური სურათი  - მენეჯმენტი ვერ იგებს თუ რა არის პრობლემის წარმოქმნის მიზეზი

  
  

• კანონთან შეუსაბამობა - არასწორი დეკლარაციები, ჯარიმები, ბლოკირება.

  
  

• გადახდისუუნარობა - ფულადი ნაკადების უყურადღებობა,რაც ხშირად გაკოტრების მიზეზიც ხდება.

  
  

ამ რისკებს განსაკუთრებით ექვემდებარება მცირე და საშუალო ბიზნესები, რომელთა მფლობელებს ან მენეჯერებს ხშირად არ აქვთ საკმარისი კომპეტენცია, რომ ეფექტურად აკონტროლონ ბუღალტრის საქმიანობა. 

ასეთ ვითარებაში შეცდომა შეიძლება მაშინ გამოვლინდეს, როცა უკვე ძალიან გვიან არის და ეს ზიანი მტკივნეულად აისახება ბიზნესზე. 

პროფესიონალურად მართული ბუღალტერია ამ რისკს მნიშვნელოვნად ამცირებს, რადგან ბუღალტერი მუშაობს კომპეტენტურ საბუღალტრო გუნდთან ერთად, აქვს იმის საშუალება რომ ცოდნა გაუზიაროს კოლეგებს და საჭირო შემთხვევაში მათგან დახმარება მიიღოს. 

ამასთანავე, მის საქმიანობას ზედამხედველობას უწევს გამოცდილი მენეჯერი ან უფროსი ბუღალტერი, რომლის მეთვალყურეობითაც შეცდომის დაშვების რისკი მინიმუმამდე დაიყვანება და უზრუნველყოფილი იქნება პროცესების სამდონიანი კონტროლი.

სწორად წარმოებული ბუღალტერია მენეჯმენტს აძლევს შესაძლებლობას ჰქონდეს ზუსტი ინფორმაცია ბიზნესის ფინანსურ მონაცემებზე და მიღებულ გადაწყვეტილებებს სწორედ ამ რეალურ მონაცემებზე დააყრდნობს.

ეს ხელს უწყობს ფინანსების უკეთ დაგეგმვას, რისკების მართვას, ხარჯების ოპტიმიზაციას და სტრატეგიული მიზნების სწორად განსაზღვრას.

ბიზნესს ეძლევა შესაძლებლობა წინასწარ დაინახოს თუ რა მიმართულებით ვითარდება იგი და რა ნაბიჯები უნდა გადადგას სტაბილური ზრდისთვის.

სწორედ აქ შემოდის აკურაი.  

თუ გჭირდებათ ბუღალტრული პროცესების სიზუსტე, გამჭვირვალობა და მუდმივი კონტროლი, მოგვწერეთ.