🔎 როგორ მოვიქცეთ მაშინ, როცა გადასახადი გვაქვს გადასახდელი საკმარისი თანხა კი არ გვაქვს?

ნაცნობი სიტუაციაა, ხომ?

თანამშრომლებს ვუხდით ხელფასს ფული კი აღარ გვრჩება შესაბამისი გადასახადების გადასახდელად, ან წლის განმავლობაში ვიღებდით შემოსავლებს, მომდენი წლის 1-ლი აპრილისთვის კი აღარ გვაქვს ამ შემოსავლებზე გადასახადის თანხა (დავხარჯეთ ☺️)

მათრახი თაფლაკვერაზე გავცვალეთ (ბარტერი) და შესაბამსი დღგ-ს გადასახდელად კი არც ერთი გამოდგება და არც მეორე (სამწუხაროდ, ბიჯეტი გადასახადებს ნატურით არ ღებულობს).

როგორ მოვიქცეთ ასეთ შემთხვევაში, თუ კი ვიცით, რომ “სიკვდილი და გადასახადები გარდუვალია”?

მოდით ვნახოთ რა ალტერნატივები გვაქვს. 

🧾 1-ლი ალტერნატივა - მოვახდინოთ კუთვნილი გადასახადის აღიარება

ეს ყველაზე კანონშესაბამისი ალტერნატივაა - საჭირო ვადებში ვაბარებთ დეკლარაციას და ვალდებულებასაც ვაღიარებთ.

გადასახდელი ფული კი არ გვაქვს.

რა ხდება ამ დროს?

საგადასახადო ადმინისტრაცია (ფინანსთა სამინისტროს შემოსავლების სამსახური) იწყებს გადასახდების ამოღების იძულებითი ღონისძიებების განხორციელებას, რაც მოიცავს გადამხდელის ქონების გირავნობა-იპოთეკით დატვირთვას, შესაძლოა თქვენს საბანკო ანგარიშებზეც გააგზავნოს საინკასო მოთხოვნა და რაც იქ დახვდება (თუ დახვდა 🙂) ბიუჯეტში მიმართოს.

გარდა ამისა, თქვენი დავალიანება დაიწყებს ზრდას (დაერიცხება 0.05% პროცენტი, ანუ საურავი გადახდის ყოველ ვადაგადაცილებულ დღეზე). 

როგორ მოვიქცეთ?

შეგვიძლია დავიწყოთ მოლაპარაკება საგადასახადო ადმინისტრაციასთან გადასახადის გადავადებაზე.

ამ მოლაპარაკებას წარმატების კარგი შანსი აქვს თუ იგი კეთილსინდისიერად და გულწრფელად არის წარმართული და … ბიუჯეტსაც არ უდგას გასაჭირი. 

📄 მე-2 ალტერნატივა - კუთვნილი გადასახადი მაშინ ვაღიაროთ და გადავიხადოთ, როცა ფული გაგვიჩნდება

ეს ცოტა სარისკო ალტერნატივაა, რადგან გადასახადის გვიან აღიარებამდე (დეკლარაციის გვიან ჩაბარებამდე) თუ საგადასახადო შეგვამოწმებს, ვალდებულებას აუღიარებლის, ანუ დამალულის სტატუსს მიანიჭებს და გადასახადის 50%-ს ჯარიმის სახით დაგვაკისრებს.

რა თქმა უნდა, ჯარიმას საურავიც დაემატება, როგორც პირველი ალტერნატივის დროს. გადასახადების ამოღების იძულებითი ღონისძიებებიც (გირავნობა-იპოთეკა, ანგარიშიდან თანხების ინკასირება,...) არ დააგვიანებს.

ასეთ შემთხვევაში გადასახადის გადავადებზე მოლაპარაკების წარმატებაც მცირდება. 

შეგაჟრჟოლათ?

ეს რა ალტერნატივააო, იკითხავთ.

მთლად ასე მძიმედაც არ არის საქმე, ანუ გააგრძელეთ კითხვა. 

საქმე იმაშია, რომ თუ საგადასახადომ გადასახადის გვიან აღიარებამდე არ/ვერ შეგვამოწმა, რასაც ხშირად აქვს ადგილი, მაშინ ფორმალურად ყველაფერი წესრიგშია - დეკლარაცია ჩავაბარეთ და გადასახადიც გადავიხადეთ (დეკლარაცია არ “იტყვის” რომ დააგვიანა 🙂) - არც ჯარიმა არც საურავი, არც იძულებითი ღონისძიებების რისკი.

სუპერ!

მთლად ასე კარგადაც არაა საქმე… 

სამი წელი (“ხანდაზმულობის ვადა”) ეს დარღვევა “ცოცხალია”, ანუ გვიან დეკლარირებული და გადახდილი გადასახადიდან სამი წლის განმავლობაში თუ საგადასახადომ დაგვიანება აღმოაჩინა, ისევ ჩნდება ჯარიმები, საურავები, იძულებითი ღონისძიებები იმ განსხვავებით, რომ ჯარიმა უკვე 50%-ის ნაცვლად მხოლოდ 10% დაგვეკისრება (50% - დამალვის ჯარიმა, 10% - გვიან დეკლარირების).   

კიდევ ერთი ალტერნატივა გვაქვს,

კარგი თუ ცუდი, თქვენ შეაფასეთ...

(ან უკეთესი მოიფიქრეთ … ბანკს ხომ არ მივადგეთ ფულის სათხოვნელად?)

🧾 მე-3 ალტერნატივა - კუთვნილი გადასახადი გვიან გადახდა, მაგრამ სწორ პერიოდზე აღიარება 

უფრო გასაგები რომ იყოს, მოვიყვანოთ მაგალითი ამ ალტერნატივის საილუსტრაციოდ.

დავუშვათ, ხელფასი გავეცით ოქტომბრის ბოლოს, მაგრამ ოქტომბრის დეკლარაციაში შეაბამისი ვალდებულება არ ვაღიარეთ.

ნოემბერის ბოლოს ოქტომბრის დეკლარაცია დავაზუსტეთ და გამოტოვებული ვალდებულებაც ავსახეთ.

შესაბამისი გადასახადიც ნოემბრის ბოლოსვე გადავიხადეთ. 

ამ ალტერნატივის შედეგი იგივეა რაც წინასი ერთი განსხვავებით.

კერძოდ, გადასახადი სწორ პერიოდში ვაღიარეთ, მაგრამ დაგვიანებით გადავიხადეთ.

შედეგად, დაგვიანებული დღეების საურავი ავტომატურად დაგვერიცხება, თუმცა 10%-იანი ჯარიმას ავირიდებთ (გადასახადი სწორ პერიოდზე ვაღიარეთ). 

🎯 რას გვასწავლის ეს ყველაფერი?

ამ კითხვას შეეცადეთ თქვენვე უპასუხოთ.

ვერ პასუხობთ? დაგაბნიეთ ჭარბი ინფორმაციით? - მოგვწერეთ. 

დაგეგმეთ და მართეთ თქვენი გადასახადები, ფინასები და თანმდევი რისკები 💼 AccurAi-სთან ერთად! და … იყავით მშვიდად.